Með nýju kerfi fylgja að sjálfsögðu breytingar.

Notendanafnið þitt er núna netfangið þitt.

Það þarf að smella á gleymt lykilorð til að fá nýtt lykilorð fyrir aðganginn. Ath. það getur tekið nokkrar mínútur að berast

Svo að við getum gert þetta vel og að allir séu öruggir á æfingu að þá eru nokkrar reglur sem þurfum að fylgja.

Það þarf að nota grímu allsstaðar utan sóttvarnarhólfa. Það er ekki verra að hafa hana á meðan æfingu stendur, það eykur bara öryggið enn fremur.

Passa þarf upp á tímamörkin vel og má því miður ekki mæta nema að vera búin að skrá sig í tíma fyrirfram.

Mæta þarf 5 mínútur áður en tími á að hefjast og yfirgefa þarf stöðina ekki seinna en 5 mínútum eftir að tíma lýkur.

Tækjasölum hefur verið skipt niður í tvö sóttvarnarhólf, Styrkur og Þoltæki.

Passa þarf að fara í rétt hólf og það má ekki flakka á milli sóttvarnarhólfa.

Viðhalda þarf 2 metra reglunni allsstaðar inni í stöðinni og það er alveg bannað að deila búnaði með öðrum iðkendum.

Við þurfum að passa mjög vel upp á einstaklingsbundnar sóttvarnir. 

Sótthreinsa þarf hendur um leið og komið er inn í stöðina og svo auðvitað aftur á leiðinni út.

Allur búnaður er sótthreinsaður á milli tíma.
En til að fylgja öllum reglum þá þarf að sótthreinsa búnað bæði fyrir og eftir notkun.

Og ekki gleyma að sótthreinsa hendur inn á milli (efnið í brúsunum er það sama og í froðuskömmturunum)

Disact efnið veitir þér margra klukkutíma vörn.

Ef við pössum okkur öll að fylgja þessum reglum þá þurfum við ekki að fara aftur á heimaæfingar í bráð!