💚Yin Yoga og djúpslökun

Yin Yoga er mjúk jógaiðkun sem felst í því að ákveðnum jógastöðum er haldið í 2-5 mínútur með það markmið að hjálpa bandvef, sinum og liðböndum að gefa eftir.

Iðkunin hjálpar okkur að losa um spennu, auka hreyfigetu og næra taugakerfið. Tímarnir eru gagnlegir öllum sem vilja hægja á sér, eru að glíma við líkamsmeiðsli eða eru að ná sér eftir andleg áföll.

Á námskeiðinu eru kenndar grunnstöður Yin Yoga ásamt útfærslum á þeim. Allar stöðurnar eru gerðar sitjandi eða liggjandi á dýnu. Hver tími hefst á öndunaræfingum og endar á djúpslökun.

Gott er að eiga tvo jógakubba til að mæta með í tímann en það eru þó kubbar á staðnum ef vantar.

Kennari er Guðrún Reynis. Guðrún er Yoga Alliance viðurkenndur jógakennari en hún útskrifaðist með RYT-500 frá Yoga Skyros Academy á Grikklandi eftir að hafa klárað fyrstu 200 tímana hjá Jóga- og blómadropaskóla Kristbjargar. Guðrún hefur einnig lokið 200 tíma Yoga Alliance professionals viðurkenndu námi í Trauma-sensitive yoga and somatics. Guðrún er viðurkenndur Yoga Trapeze® kennari frá Yoga Teachers College í Barcelona. Að auki er hún með kennsluréttindi í Yin Yoga, Yoga Nidra, slökunarjóga, pilates, foam flex og trigger point pilates. Guðrún hefur kennt jóga frá árinu 2013.

Fyrst er að Gerast Meðlimur Kötlu Fitness, síðan skráirðu þig á námskeiðið - Vertu velkomin 💚

Hægt að skoða hér í tímatöflu eða í appinu!